Маъракаи кишти такрорӣ ба охир мерасад

            Душанбе, 30 июл.(АМИТ «Ховар», Марзия Саидова).- Кишоварзони мамлакат кишти такрории зироатҳоро муташаккилона идома медиҳанд. То имрӯз дар миқёси ҷумҳурӣ дар масоҳати 86 ҳазору 308 гектар такроран зироат корида шуд , ки ин ба 85, 5 фоизи нақшаи солона баробар аст. Дар ин давра дар масоҳати 21161 гектар такроран ҷуворимакка,5178 гектар шолӣ, 8828 гектар ғалладона,467 гектар картошка,7216 гектар сабзавот, 1400 гектар зироатҳои полезӣ, 1145 гектар зироатҳои техникӣ ва 40913 гектар зироатҳои хӯроки чорво корида шуд.