Аз мошин маводи нашъадор мусодира гардид

Душанбе, 7 апрел. (АМИТ «Ховар», Мавҷуда Давлатзода).- Кормандони шӯъбаи мубориза бар зидди ҷиноятҳои мутташакилонаи Вазорати корҳои дохилии ҷумҳурӣ дар ҳудуди деҳаи Зархоки ноҳияи Исфараи вилояти Суғд мошини тамғаи «Опел-Вектра», ки ба шаҳрванд Муртазо Маҳмудов, соли таваллудаш 1970 тааллуқ дошт, боздошт намуданд. Аз маркази матбуоти Вазорати корҳои дохилии Ҷумҳурии Тоҷикистон ба мухбири АМИТ «Ховар» иттилоъ доданд, ки ҳангоми кофтуков, аз дохили мошини мазкур ба миқдори 988 грамм маводи нашъадори «афюн» ёфт ва мусодира гардид. Айни ҳол аз рӯи ин ҳодиса парвандаи ҷиноӣ боз гардида, тафтиш идома дорад.