Китоб – шиносномаи миллати тоҷик

            Душанбе, 2 апрел. (АМИТ «Ховар», Бурҳониддин Каримзода).-Зимни мулоқоти Президенти Ҷумҳурии Тоҷикистон Эмомалӣ Раҳмон бо зиёиён, ки дар арафаи иди Наврӯз баргузор гардид, Сарвари давлат ба масъалаи ҷалби мардум ба китобу китобхонӣ таваҷҷӯҳи ҷиддӣ зоҳир карда, махсус таъкид намуд: «… вазоратҳои фарҳанг, маориф ва мақомоти иҷроияи маҳаллии ҳокимияти давлатӣ барои боз ҳам зиёд кардани теъдод ва фаъол гардонидани маѓозаҳои савдои китоб, таъмини пайвастаи онҳо бо китобу маҷаллаҳои тозанашр бояд тадбирҳо андешида, дар банди алоҳидаи буҷети маҳаллӣ барои мукаммалгардонии фонди китобхонаҳо маблаѓҳои махсусро ҷудо намояд». Бино бамушоҳидаи хабарнигори АМИТ «Ховар» дар ин самт аввалин иқдомоти назаррас сурат мегиранд. Вай дар ин робита бо Сардори Корхонаи воҳиди давлатии таъминоти китоб Саидҷаъфар Сафаров мусоҳиб шуд.