Намоиши театрикунонидашуда дар Хуҷанд

Хуҷанд, 28 июн. ( АМИТ «Ховар», Санавбар Мақсудова). – 27 июн ба муносибати 11-умин солгарди Рӯзи Ваҳдати миллӣ дар майдони варзишии «Спартак»-и шаҳри Хуҷанд намоиши идона баргузор гардид. Дар ин чорабинии ҷашнӣ роҳбарони вилоят ва ташкилотҳои вилоятӣ, раисони шаҳру ноҳияҳои вилояти Суѓд, сардорони ҷамоатҳои деҳот, раисони хоҷагиҳо, собиқадорон ва пешқадамони истеҳсолот, олимону адибон ва донишҷӯёнҳозир буданд. Раиси вилоят Қоҳир Расулзода ҳозиринро бо ҷашни Рӯзи Ваҳдат самимона табрик кард.