Адабиёт оинаи зиндагист

Душанбе, 25 июн. (АМИТ «Ховар», Ҳотам Рабиев).- «Образи занон дар насри ривоятӣ»- чунин ном дорад китоби Гавҳар Шарофова, ки дар нашриёти «Эҷод» бо адади 300 нусха дастраси хонандагон гашт. Рисолаи мазкур ба тасвири бадеии симоии занон дар насри ривоятии форсу тоҷик бахшида шуда, беҳтарин орзую омоли мардумро дар бораи озодии шахсияту ҳуқуқи зан, баробарию бародарии одамон, адолат, раҳму шафқат, озодии ишқу муҳаббат ва садоқату вафодорӣ таҷассум намудааст. Аз ин ҷиҳат, рисолаи мазкур ба доираи васеи хонандагон, муҳаққиқони ҷавон, унвнҷӯён ва дӯстдорони насри ривоятии форсу тоҷик пешниҳод мегардад. Китоб бо қарори шурои олимони ДДМТ ба чоп тавсия шуда, бо дастгирии шахси саховатманд Ҷалолиддин Каримов нашр гардидааст.