Ҳамкориҳои муфид

Душанбе, 18 июн. ( АМИТ «Ховар», Лаззат Диловарзод).- Дар Душанбе семинари давлатҳои узви созмони ҳамкориҳои иқтисодии Авру Осиё баргузор гардид. Иштирокчиёни семинар масъалаҳои ҷустуҷӯи роҳҳои ҳалли мушкилоти содироти меваю сабзавоти зуд вайроншавандаро мавриди баррасӣ қарор доданд. Тоҷикистон бо доштани шароити мусоидитабии метавонад дар минтақа яке аз таъминкунандагони меваю сабзавот бошад, валедар ҳолати содирот ба хориҷи дуру наздик мушкилот вуҷуд дорад. Бартараф кардани ин мушкилот ба ҳамкориҳои беғаразонаи кормандони соҳаи гумруки Ҷумҳуриҳои Осиёи Миёна, Қазоқистон ва Русия вобаста аст, иброз дошт,муовини вазири Ҷумҳурии Тоҷикистон Шукурулло Раҳимназаров ба мухбири АМИТ «Ховар».