Канали Кӯлобдарё эҳё мехоҳад

Душанбе, 13 июн. (АМИТ «Ховар», Лаззат Диловарзод). - Бино ба гуфти сардори хоҷагии оби минтақаи Кӯлоб Абдуҷаббор Давронов, дар сурати эҳё шудани канали Кӯлобдарё майдони бештар аз ду ҳазор гектар замини ин минтақа мавриди истифода қарор мегирад. Канали Кӯлобдарё аз ноҳияи Ҳамадонӣ то мавзеи Дашти Дилии ноҳияи Восеъ ҳазорҳо гектар замини ноҳияҳои Ҳамадонӣ, Восеъ ва Кӯлобро бо об таъмин карда метавонад. Мардуми ин минтақа танҳо бо умеди борон баҳори соли равон заминҳоро кишт карданд, вале сол хушк омад ва ғалла нумӯ накард, пас кишти такрорӣ, ки асоси зиёд шудани маҳсулоти хоҷагии кишоварзӣ мебошад ва он дар муроҷиатномаи Президент сахт таъкид шудааст, чӣ мешавад.