Дастархони сокинони пойтахт ғанӣ гардонида мешавад

Душанбе, 15 май. (АМИТ «Ховар», Марзия Саидова).- Аз 17 майи соли 2008 то 14 марти соли 2009рӯзҳои шанбеи ҳар ҳафта дар бозорҳои «Баракат», «Деҳқон», «Саховат» ва «Шоҳмансур»-и пойтахт ярмаркаҳои фурӯши маҳсулотикишоварзию саноатӣ гузаронида мешаванд. Ярмаркаҳо аз ҷониби Корхонаи воҳиди давлатии «Савдо ва бозорҳои шаҳри Душанбе» ва корхонаҳои тобеъи он ташкил карда шуда, дар ҳар кадом ярмаркаҳо мутаносибан 10 тонна сабзавот, 10 тонна картошка, 2 тонна мевагӣ, 2,5 тонна гӯшт, 20 тонна орд, 3 тонна равған, 3 тонна биринҷ ва 5 тонна маҳсулоти дигари ғалладонагӣ аз ҳисоби захираҳои бозорҳои тавозуни шаҳрдорӣ ба фурӯш бароварда мешаванд.