Истаравшан: 208 медали варзишгарон дар соли 2014

Душанбе, 15.10.2014. (АМИТ “Ховар”, Ситораи Боймурод).- Дар нӯҳ моҳи соли равон варзишгарони шаҳри Истаравшан дар якчанд мусобиқаи варзишӣ фаъолона ширкат варзида, соҳиби 208 медал гардиданд.

Тавре ки дар ин бора хадамоти матбуоти раиси вилояти Суғд хабар додааст, варзишгарони шаҳр дар мусобиқаҳои вилоятӣ сазовори 117 медал, дар мусобиқаҳои ҷумҳуриявӣ 73 медал ва дар мусобиқаҳои байналмиллалӣ сазовори 18 медал гардиданд, ки мутаносибан нисбат ба ҳамин давраи соли гузашта 36 медал зиёд мебошад.